Undanfarnar vikur og mánuði hefur aukin óvissa á alþjóðlegum mörkuðum haft

áhrif á verð og aðgengi að ýmsum hráefnum sem notuð eru í framleiðslu umbúða.

Þessi þróun tengist meðal annars aukinni spennu í Mið-Austurlöndum og

truflunum á mikilvægum flutningsleiðum í alþjóðlegum viðskiptum.

‍

Áhrifin sjást nú þegar á mörgum sviðum sem snerta umbúðaiðnaðinn, meðal

annars:

- Sveiflur í verði á plasthráefnum og pappír

- Hækkandi orkukostnað sem hefur bein áhrif á framleiðslu

- Aukinn flutnings- og tryggingarkostnað í alþjóðlegum flutningum

- Aukna óvissu í afhendingartímum hráefna

‍

Spennan í Mið-Austurlöndum hefur meðal annars haft áhrif á olíu- og gasmarkaði,

sem eru grunnforsenda framleiðslu margra efna sem notuð eru í plastiðnaði.

Hækkanir á olíuverði hafa þegar byrjað að hafa áhrif.

‍

Á sama tíma hafa truflanir á siglingaleiðum og aukinn stríðsáhættuálag valdið

hækkunum á flutningskostnaði og breytingum á flutningsleiðum skipafélaga.

‍

Þessar aðstæður geta haft áhrif á alla virðiskeðju umbúðaiðnaðarins, allt frá

framleiðslu hráefna til flutnings og afhendingar.

‍

Samhentir fylgjast náið með þróun á hrávöru- og flutningsmörkuðum í samstarfi

við birgja og samstarfsaðila. Markmið okkar er áfram að tryggja stöðuga

afhendingu og góða þjónustu til viðskiptavina þrátt fyrir þær áskoranir sem nú eru

á alþjóðlegum mörkuðum.

‍

Hvað geta viðskiptavinir gert?

Í ljósi þessara aðstæðna viljum við benda á nokkur atriði sem geta hjálpað til við

að draga úr óvissu og tryggja betri fyrirsjáanleika:

‍

- Fara yfir birgðastöðu og tryggja nægilegt framboð næstu vikur og mánuði

- Setja pantanir fyrr en venjulega til að tryggja afhendingaröryggi

- Óska eftir uppfærðum verðtilboðum fyrir verkefni sem eru í undirbúningi

- Nýta sér ráðgjöf sérfræðinga Samhentra varðandi lausnir og birgðahald

‍

Við munum halda áfram að upplýsa viðskiptavini okkar ef verulegar breytingar verða á stöðu markaða á næstu vikum og mánuðum.

‍