Fréttir

Samhentir Íslenska: Allt er breytingum háð. Ein af breytingum sem félög og fyrirtæki ráðast í endrum og sinnum eru vörumerki eða lógó sinna félaga og nú er komið að slíkum breytingum hjá okkur í Samhentum. Þannig fá Samhentir nú nýtt og uppfært lógó sem unnið var í góðu samstarfi við hönnunarstofuna Jökulá. Breyting sem við hjá Samhentum erum afar sátt við og er um leið nauðsynleg uppfærsla upp á skalanleika að gera gagnvart öllum tækjum og tólum nútímans. Eftir sem áður höldum við fast í bláa litinn í lógóinu okkar sem ber merki kassans, öldunnar og tengdra forma í okkar starfi. Þess má geta að Samhentir Kassagerð ehf var stofnað 1996 og var því fagnað 25 ára afmæli 2021. Hið nýja lógó Samhentra lítur svona út:

Ágætu viðskiptavinir, Samhentir verða á Sjávarútvegssýningunni Ice Fish 2022. Endilega láttu sjá þig og við förum yfir málin. Léttar veitingar í boði. Erum á bás F-20

„Samhentir verða lokaðir á morgun föstudaginn 13. maí vegna jarðarfarar.“

Vinur okkar og samstarfsmaður til margra ára Guðráður Gunnar Sigurðsson, Gurri, varð bráðkvaddur 3. maí. Útför hans fer fram frá Akraneskirkju á Akranesi næstkomandi föstudag, 13. maí klukkan 13. Einnig verður útförinni streymt í gegnum netið.

Enn syrtir í álinn á erlendum mörkuðum og verð hækka Því miður sendum við aftur fréttaskot gagnvart því að enn syrti í álinn á erlendum mörkuðum. Eitthvað sem berst okkur daglega í fréttum. Þegar útlit var fyrir afléttingar gagnvart Covid réðust Rússar inn í Úkraínu með hræðilegum afleiðingum gagnvart saklausum borgurum sem og afleiðingum fyrir efnahagslífið. Þannig hefur orkuverð margfaldast í verði og er nú um 4-5 sinnum hærra en áður þekktist. Í kjölfarið er rekstur á pappamyllum orðinn mjög þungur, sér í lagi þær sem standa einar og sér. Óhjákvæmilega eru því framleiðendur á pappaumbúðum að fá mun hærra hráefnisverð í fangið og hærra orkuverð ásamt hærra flutningsverði, almennri verðbólgu t.d. í launum og öðrum aðföngum. Raunar er það svo að við heyrðum nýverið af sex pappamyllum á Ítalíu sem hreinlega lokuðu og hættu starfsemi í bili, ásamt tveimur öðrum í Frakklandi og Þýskalandi. Flestar af þessu pappamyllum hafa svo valið að selja orkuna áfram út í markaðinn á sínu háa verði. Ekki laust við sú spurning vakni hvort þetta sé ekki orðið eitthvað mjög bjagað og óeðlilegt?

Nói Síríus og Samhentir hafa verið í samstarfi með þróun á umbúðum sem auðvelda pökkun og dreifingu á páskaeggjum. Frábær útkoma á umbúðum sem gleðja.

Ágæti viðskiptavinur Líkt og við höfum áður komið inn á, bæði í samtali við ykkur sem og í okkar fréttafærslum, þá hafa átt sér stað miklar verðbreytingar á árinu 2021. Þessar verðbreytingar eiga rætur sínar að rekja til afleiðinga heimsfaraldursins þ.e. skortur á hrávöru sem leiddi af sér miklar hækkanir á hrávöruverði. Aðstæður sem eru fordæmalausar (force majeure) og ástand sem við höfum hvorki séð fyrir né upplifað áður. Því miður er það svo að ekki er útlit fyrir að framboð á mörkuðum nái jafnvægi við eftirspurn núna í ár. Óhjákvæmileg afleiðing þessa ástands er áframhaldandi hækkandi vöruverð. Vissulega mismunandi eftir vöruflokkum og eðli þeirra, samanber mikil þróun yfir í pappa, hækkun í plasti og tafir jafnvel skortur á áli og reyndar lengri afgreiðslutímar í öllum vöruflokkum sem kallar á meiri fyrirvara pantanna.

Verið velkomin á Suðurhraun 4a. en verslun okkar hefur opnað á ný. Starfsfólk okkar tekur vel á móti þér.

Í takt við þínar þarfir. Við leggjum okkur fram við margþætta vöruþróun í góðu samstarfi við viðskiptavini og birgja. Endilega láttu í þér heyra ef þig vantar lausnir fyrir þína vöru. sala@samhentir - 5758000