Fréttir

Samhentir Kassagerð hf. hefur komist að samkomulagi við Kassagerðar Reykjavíkur ehf. um kaup á lager og viðskiptasamböndum félagsins. Sameinaður rekstur verður rekinn undir merkjum Samhentra.

Starfsfólk Samhentra og Vörumerkingar tekur að sjálfsögðu þátt í bleikum október.

Að sjálfsögðu tók starfsfólk Samhentra og Vörumerkingar þátt í WOW cyklothon þetta árið eins og undanfarin ár.

Ágætu viðskiptavinir. Í sumar frá og með 18. júní til og með 23. ágúst verða Samhentir og Vörumerking opin frá 08:00 til 16:00

Um daginn fengu Samhentir, Vörumerking og Bergplast heimsókn frá Lindu Blöndal sem stýrir þættinum Súrefni á sjónvarpsstöðinni Hringbraut. Virkilega fræðandi og góður þáttur þar sem málin voru krufin og áherslur Samhentra og Bergplasts sem umhverfisvæn fyrirtæki koma fram. Sjáðu þáttinn hérna http://www.hringbraut.is/sjonvarp/thaettir/surefni-22-mai

Samhentir hafa gengið frá ráðningu á Bryndísi Björk Reynisdóttur sem sölu- og þjónustufulltrúa í garðyrkjudeild félagins. Bryndís er garðyrkjufræðingur og býr yfir mikilli reynslu og þekkingu á sviði garðyrkjunnar.

Á nýafstaðinni sjávarútvegssýningu í Boston, Seafood Expo North America, vakti nýr CoolSeal-kassi Niceland Seafood mjög mikla athygli og hlaut mikið lof fyrir eiginleika og útlit.

Vinur okkar og samstarfsmaður til margra ára Jón Þór Ágústsson féll frá fimmtudaginn, 7. mars. Útför hans fer fram frá Vídalínskirkju í Garðabæ næstkomandi miðvikudag 20. mars klukkan 13. Að lokinni útför verður erfidrykkja í húsakynnum Samhentra/Vörumerkingar við Suðurhraun 4 í Garðabæ. Jón Þór hafði starfað hjá okkur sem sölumaður í sjávarútvegi um árabil og hans verður sárt saknað, hann var mikils metinn af sínum viðskiptavinum og samstarfsfélögum. Hann hafði afburðarþekkingu á sínu sviði, lausnamiðaður og hvers manns hugljúfi. Fráfall Jón Þórs er okkur mikið áfall og við sendum okkar dýpstu samúðarkveðjur til fjölskyldu, vina og allra þeirra sem eiga um sárt að binda.

Samhentir og Vörumerking hafa gert skipulagsbreytingar á sölustarfsemi félaganna. Brynjar Viggósson hefur verið ráðinn framkvæmdastjóri sölusviðsins. Sölusviðið ber ábyrgð á sölu allra afurða Samhentra og Vörumerkingar svo sem umbúðum fyrir sjávarútveg, matvælavinnslu, garðyrkju, veitingahús og mötuneyti ásamt mjög breiðri vörulínu annarra vara.

Við styrkjum bleiku slaufuna með sölu á bleikum vörum í október. Smellið hér til að sjá tilboðin sem um ræðir.